Тайвань улсын Тайбэй хотноо энэ сарын 17-нд эхэлсэн 10 дахь удаагийн "World Masters Games" наадмын жүдо бөхийн тэмцээн өндөрлөлөө.

Тэмцээнд манай улсаас эрэгтэй 29, эмэгтэй 13 тамирчин оролцож 16 алт, 13 мөнгө, зургаан хүрэл медаль хүртсэн байна. Багийн тэмцээнд 27 орны тамирчид өрсөлдөхөд манай тамирчид нэг алт, гурван хүрэл медаль авчээ.

Ингэснээр манай жүдочид энэ удаагийн наадмаас нийт 39 медаль авав. Наадмын жүдо бөхийн төрөлд 87 орны 419 тамирчин өрсөлдсөн байна.