Цахим спортын "Counter Strike 2" тоглоомын "PGL Astana 2025" тэмцээний хасагдах шатны шөвгийн найман багийн тоглолт эхэллээ.

Казахстан улсад зохиогдож буй тус тэмцээний шөвгийн наймд манай улсын "The MongolZ" баг Туркийн "Aurora Gaming" багтай "Во3" журмаар тоглож, 0:2- оор хожигдлоо. Ингэснээр "The MongolZ" баг "PGL Astana 2025" тэмцээнд 5-8 дугаар байрт шалгарч, 62,500 ам.долларын шагналын санг хүртэж байна. Тус мөнгөн дүнгийн 50 хувийг тоглогчдод, үлдсэн 50 хувийг багийн арын албанд хуваан өгнө.