Монголын Хөлбөмбөгийн холбооны Ерөнхийлөгчийг сонгох нөхөн сонгууль өнөөдөр болж, Ц.Анандбазарт 48 төлөөлөгчийн 26 нь саналаа өгснөөр холбоог тэргүүлэхээр болсон. Гэвч сонгуулийг зарим хөлбөмбөгийн тамирчид эсэргүүцэж шударга бус сонгууль болж байна гэж байр сууриа илэрхийлээд байгаа юм. Тухайлбал, Монголын эмэгтэйчүүдийн шигшээ багийн тоглогч, Оны шилдэг тоглогчид олгодог “Алтан бөмбөг” шагналыг хүртэж байсан А.Алтантуяа фэйсбүүк хаягтаа “Анандбазар 26 хүний саналаар МХБХ-ны ерөнхийлөгч боллоо. Энэ хүнийг байх хугацаанд шигшээ баг болон холбооноос зохиож байгаа тэмцээн уралдаанд тамирчны хувиар тоглохгүй гэдгээ мэдэгдэж байна" гэлээ.