Монгол бөхийн өргөөнд зохион байгуулагдсан чансаа олгох цуврал барилдаануудад идэвхтэй барилдаж чансааны оноогоороо эхний 30-р байрт багтсан аймаг цэргийн цолтой долоон бөх "Модон могой" жилийн сар шинийн баярт зориулсан хүчит бөхийн барилдаанд шууд зодоглохоор боллоо. 

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг энэ оны нэгдүгээр сараас хэрэгжүүлж эхэлсэн. Тодруулбал, бөхийн холбооноос баталсан цаглаварын дагуу өндөр зэрэглэлтэй бөхчүүдийн чансаа тогтоох барилдааныг сард хоёр удаа, намраас хаврын улиралд нийт 16-18 удаа зохион байгуулахаар төлөвлөсөн.

Эдгээр барилдаанд оролцсон идэвх, гаргасан амжилтад үндэслэн жил жилийн шилдэг бөхчүүдийн чансааг devjee.mn цахим хуудастай хамтран гаргах юм. Гэхдээ энэхүү чансаа нь Үндэсний их баяр наадмын тухай хууль, үндэсний бөхийн барилдааны дүрэмд заасан улсын цол, чимэгт нөлөөлөхгүй болно. Өндөр зэрэглэлтэй бөхчүүдийн чансаа тогтоох барилдаанд дараах барилдаануудыг хамруулна. Үүнд:

• Улирлын нээлтийн барилдаан
• Улсын аварга цолтонд хүндэтгэл үзүүлэх барилдаан
• Улсын арслан цолтонд хүндэтгэл үзүүлэх барилдаан
• Улсын гарьд цолтонд хүндэтгэл үзүүлэх барилдаан
• Улсын заан цолтонд хүндэтгэл үзүүлэх барилдаан
• Улсын харцага цолтонд хүндэтгэл үзүүлэх барилдаан
• Улсын начин цолтонд хүндэтгэл үзүүлэх барилдаан
• Сар шинийн баярт зориулсан барилдаан
• Монгол бахархлын өдөрт зориулсан барилдаан
• Монгол Улсын Ерөнхийлөгчийн цомын төлөөх барилдаан
• Улс тунхагласны баярт зориулсан барилдаан
• Үндсэн хуулийн өдөрт зориулсан барилдаан
• Нийслэлийн өдөрт зориулсан барилдаан
• Монгол цэргийн өдөрт зориулсан барилдаан
• Богдхан хайрханы хишиг барилдаан
• Сонгинохайрханы хишиг барилдаан
• Чингэлтэй хайрханы хишиг барилдаан
• Баянзүрх хайрханы хишиг барилдаан

Чансаа тооцох журам:

• 8 даваа 1500
• 7 даваа 1000
• 6 даваа 600
• 5 даваа 400
• 4 даваа 300
• 3 давааа 200
• 2 даваа 100
• 1 даваа 50
• Оролцоо 10       
•  
•  Зөвхөн Сар шинийн баярт зориулсан барилдаанд 256, бусад барилдаанд 128 бөх барилда.