Монголын Үндэсний Бөхийн холбооны шинэ хэлбэрийн барилдаанууд болох “Алтан базер” сугалаат барилдаан энэ оны 3 ба 10-р сард, “Алтан цом”-ын барилдаан хоёр жилд нэг удаа зохион байгуулахаар хуваарьт төлөвлөгөөндөө оруулжээ. Дээрх шинэлэг барилдаанууд дээр нэмэгдэн үзэгчдийн санал асуулгаар тодруулан оролцуулах шилдэг багуудын барилдааныг 5-р сард 4 удаа зохион байгуулж аварга багийг тодруулах аж. Энэхүү барилдааныг МҮБХ-той хамтран “Тэнүүн Энтертаймент” ХХК зохион байгуулах бөгөөд МҮБХ-ны ЕНБДарга Т.Түмэндэмбэрэл, менежер С.Гантөр нартай тус компанийн Гүйцэтгэх захирал Б.Эрдэнэсайхан “Хамтран ажиллах гэрээ”-г байгуулжээ.