Монголын Бодибилдинг Фитнессийн Хөгжлийн Холбоо дөрвөн тамирчнаас допинг илэрсэн талаар мэдээлж, нэрсийг нь зарласан. Тодруулбал,  2024 оны 7 дугаар сарын 05- 08-ны өдрүүдэд зохион байгуулсан Ази тивийн аварга шалгаруулах тэмцээний үеэр допингийн хяналтын шинжилгээг дэлхийн допингийн эсрэг код, олон улсын стандартын дагуу авсан хариу хэмээн зарласан. 

Уг мэдэгдлийн дараа допинг илэрсэн тамирчдын дунд нэрлэгдсэн Б.Сугарсүрэн мэдээлэл хийж, тус холбооны хууль бус үйл ажиллагааны талаар мэдээлээд байгаа. Үүний хариуд Монголын Бодибилдинг, Фитнессийн Хөгжлийн Холбоо мэдэгдэл гаргалаа. 

Ингэхдээ, "Монгол Улсад зохион байгуулсан Ази тивийн аварга шалгаруулах тэмцээнийг өөрсдийн хүсэлтээр Авилгатай тэмцэх газраар шалгуулахаар хүсэлтээ өглөө. Мөн тус холбоо нь хөндлөнгийн аудитын компанитай хамтран ажиллахаар болсон ба цаашид аудитлагдсан жилийн эцсийн тайланг дараа оны 2 дугаар улиралд багтаан ил тод, нээлттэй танилцуулж байх болно. Та бүхэн нотолгоогүй, бодит бус мэдээлэлд автахгүй байж, холбооноос мэдэгдэх баримт, нотолгоо дээр үндэслэн дүгнэлтээ хийхийг хүсье" гэв.