Улс төрийн хүрээнд төрийн өмчит компаниудын удирдлагуудын зардал, хөрөнгө орлогын асуудал анхаарал татаж буй энэ цаг үед “Эрдэнэс Монгол” ХХК-ийн Төслийн зохицуулагч, “Чингис хаан Үндэсний баялгийн сан” ХХК-ийн төлөөлөгч, “Эрдэнэс Газ” ХХК-ийн Гүйцэтгэх захирал П.Батаагийн АТГ-т мэдүүлсэн 2025 оны Хөрөнгө, орлогын мэдүүлгийг хүргэж байна.

• Өөрийн орлого: 60 сая төгрөг (2024 онд 141 сая төгрөг байжээ)
• Гэр бүлийн орлого: 80 сая төгрөг
• Орон сууц, барилга байгууламж: 1.3 тэрбум төгрөг (2 нийтийн орон сууцтай)
• Тээврийн хэрэгсэл: 50 сая төгрөг (Toyota IST, Mercedes Benz 200E маркийн машинуудтай)
• Газар: 160 сая төгрөг (Өмчлөх зориулалттай 700м2 - 1, Эзэмших зориулалттай 3га - 1 газар)
• Үнэт эдлэл, урлаг, түүхийн үнэт зүйл: 80 сая төгрөг
• Хадгаламж: 4 сая төгрөг
• Авлага: 450 сая төгрөг
• Зээл: 5.6 сая төгрөг

Тэрбээр өмнө нь Төрийн тусгай хамгаалалтын газрын даргаар ажиллаж байхдаа Сүхбаатарын талбайд “иргэдээ хамгаалах” нэрийдлээр улсын төсвийн 152 сая төгрөгийн үнэ бүхий 396 ширхэг боржин чулууг тойруулан байршуулж байсан нь олны шүүмжлэлд өртөж байв. Мөн Төрийн тусгай хамгаалалтын газрын орлогч даргаар ажиллаж байхдаа ахлах ажилтны хамт цагдаагийн алба хаагчдыг зодож, албаны автомашинаар дайрахыг завдсан гэх хэрэгт нэр холбогдож, тухайн үед хэвлэл мэдээллийн хэрэгслүүдээр ихээхэн шуугиан тарьж байжээ.