Говь-Алтай аймгийн Дэлгэр сумын Гуулин тосгонд малын гоц халдварт годрон өвчин бүртгэгдсэнтэй холбоотойгоор нийт 1562 ямааг устгалд оруулжээ.

Мэргэжлийн байгууллагуудын зүгээс тус тосгоны малчин Б-ийн “Саятан сүрэг” дэлгүүрээс худалдан авсан Арвас үүлдрийн ухнаас өвчин тархсан байж болзошгүй гэж үзэж байгаа аж.

Үүнтэй холбоотойгоор өчигдөр буюу 2026 оны аравдугаар сарын 4-нд тухайн малаас дээж авч, Улсын мал эмнэлгийн төв лабораторид шинжилгээнд хүргүүлсэн байна.

Шинжилгээний хариу 2026 оны аравдугаар сарын 6-нд гарах бөгөөд уг хариугаар өвчний эх үүсвэр болон шалтгаантай холбоотой илүү тодорхой мэдээлэл гарах юм.

Одоогоор мэргэжлийн байгууллагууд өвчний тархалтыг хязгаарлах, халдвар хамгааллын арга хэмжээ авч ажиллаж байна.