Монголбанкнаас танилцуулсан 2026 оны 8 дугаар сарын банкны салбарын тойм мэдээгээр, ипотек болон МИК-д шилжсэн зээлийн үлдэгдэл өмнөх оны мөн үеэс 18.8 хувиар өссөн байна. Энэ нь тайлант хугацаан дахь зээлийн бүх ангилал дундаас хамгийн өндөр өсөлттэй үзүүлэлт болов.

Энэ хугацаанд бизнесийн зээл 17.9 хувийн өсөлттэй гарч, эдийн засгийн идэвхжил тогтвортой байгааг харуулсан бол нийт зээлийн дундаж өсөлт 14.3 хувьтай гарсан байна. Харин хэрэглээ болон хадгаламж барьцаалсан зээлийн өсөлт 4.7 хувь болж удааширчээ.

Ипотекийн зээлийн эрэлт болон нийлүүлэлт идэвхтэй байгаа нь иргэдийн орон сууцны санхүүжилт эдийн засгийн гол тулгуур хэвээр байгааг харуулж байна.