Мансууруулах эм, сэтгэцэд нөлөөт бодистой холбоотой 184 хэргийг 2026 оны есдүгээр сарын байдлаар шүүхэд шилжүүлсэн нь өмнөх оны мөн үеэс 33 хувиар өсчээ. Прокурорын байгууллагын мэдээллээр Эрүүгийн хуулийн 20.7 дугаар зүйлд заасан “Мансууруулах бодис, сэтгэцэд нөлөөт бодисыг хууль бусаар ашиглах”, 20.8 дугаар зүйлд заасан “Мансууруулах эм, сэтгэцэд нөлөөт бодис хэрэглэх орон байраар хангах” хэрэгт 398 хүнийг яллагдагчаар татаж, 270 хүн холбогдох 184 хэрэгт яллах дүгнэлт үйлдэж, шүүхэд шилжүүлсэн байна. Яллагдагчаар татагдсан 398 хүний 52 хувь нь 18-30 насныхан, 44 хувь нь 31-44 насныхан байна. Харин хүйсээр нь авч үзвэл 85 хувь нь эрэгтэй, 15 хувь нь эмэгтэй байжээ.

Эх сурвалж: Улсын Ерөнхий Прокурорын газар.