Маргааш 5-р сарын 20-ны өдөр, лхагва гаригт баруун аймгуудын нутгаар болон Хөвсгөл, Архангайн нутгаар нойтон цас, хур тунадас орно. 20-21-нд шилжих шөнө Увс аймгийн Цагаанхайрхан, Зүүнхангай сумдын нутгаар болон Завханы ихэнх сумдын нутгаар нойтон цас ахиу орж болзошгүй байна. Пүрэв гаригт Хангайн нурууны дагуу Завхан, Архангай, Баянхонгор аймгийн зарим сумдын нутгаар нойтон цас, Архангай, Хөвсгөл, Баяхонгорын нутгаар бороо, үдээс хойш Булган, Архангай, Өвөрхангайн зарим сумдын нутгаар бороо орно.

Ийнхүү 2 өдөр дараалан орох нойтон цасны дараа Увс, Завхан, Архангай, Баянхонгорын нутаг, Хангайн нурууны дагууд уулсаар зузаан цасан бүрхэвч тогтох, шөнөдөө Хангайн нурууны орчмоор -8-10 градуст хүрч цочир хүйтрэх төлөвтэй байгааг анхаарч малчид нялх төл малаа осгохоос урьдчилан сэргийлэх арга хэмжээг авна уу. 

Эх сурвалж: Намжилдорж Энхбаяр