Өнөөдөр нийт нутгаар дулаарч, говийн бүсийн зарим аймаг, сумдын нутгаар +28+30 градуст хүрч халж байна. Өнөө шөнө Ховд, Завхан, Төв, Хэнтий аймгийн зарим нэг сумдын нутгаар багахан бороо орно. Маргааш Мягмар гаригийн үдээс өмнө Завхан, Говь-Алтай, Архангай, Өвөрхангай, Булганы нутгаар, өдөртөө Хөвсгөл, Булган, Орхон, Төв, Сэлэнгэ, Архангай, Өвөрхангай, Дундговийн нутгаар, мөн Хэнтий, Дорнодын зарим сумдын нутгаар бага зэргийн бороо орно. Өдөртөө Хэнтий нурууны орчмоор, Төв, Сэлэнгийн зарим сумдын нутгаар нойтон цас, хур тунадас орох төлөвтэй байна. Төв аймгийн Борнуур, Батсүмбэр сумын нутаг, Багануур дүүргийн нутгаар бороо орох, Улаанбаатар хот орчмоор өдөртөө багахан бороо шивэрч болзошгүй байна.

Маргааш нийт нутгаар сэрүүсч Өмнөговь, Дорноговийн нутгаар +16+18 градус, бусад бүс нутгаар +10+14 орчим градус, Хангайн нуруу, Хөвсгөлийн Хорьдол Сарьдагийн нурууны орчмоор хүйтэрч +2+6 орчим градусын дулаан, шөнөдөө хангайн, төвийн аймгуудын нутгаар -2-4 градус, Хангай, Хэнтийн нурууны орчмоор -6-8 градусын хүйтэн хононо гэдгийг анхааруулъя