Цасан болон шороон шуурга 3-р сарын 25-ны өдөр нийт нутгаар ахиу цас орох, хүчтэй цасан болон шороон шуурга шуурахаар байна. 24-25-нд шилжих шөнө Баян-Өлгий, Увс, Ховдын нутгаар цас орж, шуурч эхэлнэ. Улмаар 25-ны Лхагва гаригт говийн, төвийн болон зүүн бүсийн аймгуудын нутгаар салхины хурд 14-18 метр секундэд хүрч хүчтэй цасан болон шороон шуурга шуурах, баруун, хангайн, төвийн аймгуудын нутгаар ахиу цас орж, цасан шуурга шуурна.  Үүний дотор Өвөрхангай, Дундговь, Төв, Хэнтийн зарим сумдын нутгаар ихээхэн хэмжээний нойтон цас орж болзошгүй байгааг анхаарна уу. 3-р сарын 25-26-нд шилжих шөнө Төв, Дундговь, Хэнтий, Дорнодын нутаг, Баянхонгор, Өвөрхангай, Өмнөговь, Сүхбаатар аймгийн зарим сумдын нутгаар цас орж, цасаар шуурахаар байна. 

Иймээс 3-р сарын 25-ны Лхагва гаригт зайлшгүй шаардлагатай л биш бол хот хоорондын болон хөдөө орон нутгийн замд гарахгүй байх, цас, салхи шуурга намжсаны дараа Пүрэв гаригт аян замд гарахыг онцгойлон анхааруулж байна