Энэ сарын 28-ны үдэш манай гаргийн тэнгэрт нарны аймгийн зургаан гариг нэгэн зэрэг жагсах ховор үзэгдэл тохиох гэж байна. Одон орон судлаачид үүнийг "Гаригуудын парад" хэмээн нэрлэдэг бөгөөд энэ нь ирэх хэдэн арван жилд дахин давтагдахгүй гайхалтай тохиол юм.

Энэхүү үзэгдэл нь хоёрдугаар сарын 28-ны Бямба гарагт тохиох бөгөөд Буд, Сугар, Бархасбадь, Санчир, Тэнгэрийн ван, Далайн ван гэсэн зургаан гариг тэнгэрийн нэгэн хэсэгт, нуман хэлбэртэйгээр байрлах юм.

• Оргил үе: Нар жаргаснаас хойш 30-60 минутын дараа.
• Харах чиглэл: Тэнгэрийн баруун болон баруун урд хаяа.
• Хэрэгсэл: Сугар, Бархасбадь, Санчир болон Буд гаригуудыг энгийн нүдээр харах боломжтой бол Тэнгэрийн ван болон Далайн ван гаригуудыг зөвхөн телескопоор харах боломжтой.

Үзэгдлийг саадгүй харахын тулд хотын гэрлээс хол, барилга байгууламж багатай задгай талбай эсвэл өндөрлөг газрыг сонгохыг мэргэжилтнүүд зөвлөж байна. Мөн Sky Tonight зэрэг аппликейшн ашиглан гаригуудын байршлыг яг таг тодорхойлж болно.