“Өгий нуурыг сэргээх, бохирдлоос хамгаалах” цогц ажил үргэлжилж байна. Монгол улсын ерөнхийлөгчийн санаачлагаар хэрэгжиж буй энэ цогц ажлын нэгэн чухал багц нь “Нуурын эргийн дахин төлөвлөлт” бөгөөд монгол улсад анх удаа хийгдэж байгаа бүх талын эргийг хамарч, хамгаалах шинэлэг ажил. “Нуурын эргийн дахин төлөвлөлт”-ийг 3 бүст хуваан төлөвлөсөн.

•  1 дүгээр бүс дотор барилга байгууламж огт баригдахгүй, нэгдсэн байдлаар завь зогсох зогсоол, 3 байршилд шувуу харах цамхаг байгуулахаар төлөвлөсөн.
• 2 дугаар бүс дотор явган хүний зам, ногоон байгууламж ба орчин үеийн шийдэл бүхий боловсон бие засах газар төлөвлөсөн.
• 3 дугаар бүс дотор аялал жуулчлал, отоглох цэг, бие засах байгууламж, хогийн цэгүүд хөрс болон ус бохирдуулахгүй байдлаар төлөвлөсөн.

Усны нөөцөд суурилсан төлөвлөлтийг бий болгох зорилгоор байгалийн нуурын ашиглалт, хамгаалалтын төлөвлөлтийг боловсруулсан нь ийнхүү амжилттай болж, үргэлжилж байна.