Хөгжлийн Банкны гэх эрүүгийн хэрэгт гэм буруутайд тооцогдсон 32 иргэн дөрвөн компанийн шүүхийн шийдвэрийг өнөөдөр танилцуулж байна. 

УИХ-ын гишүүн Ё.Баатарбилэгт таван жилээр хорих ял, нийтийн албанд томилогдох эрхийг дөрвөн жилээр, үндэслэлгүй хөрөнгөжсөн 72 сая төгрөгийг хураах ял оноолоо. Түүний хорих ялыг нээлттэй хорих ангид эдлүүлэхээр болов.

Хөгжлийн Банкны гэх эрүүгийн хэрэгт холбогдсон 80 шүүгдэгч, дөрвөн хуулийн этгээдийн гэм буруугийн дүгнэлтийг өнгөрсөн сарын 26-ны өдөр шүүх бүрэлдэхүүн танилцуулсан билээ. Нийт 48 хүнийг цагаатгаж, 32 хүн дөрвөн компанийг гэм буруутайд тооцсон юм.

Энэ оны дөрөвдүгээр сарын 17-ноос Хөгжлийн Банкны гэх тодотголтойгоор эхэлсэн эрүүгийн хэргийн анхан шатны шүүх хуралдаан гэм буруутайд тооцогдсон 32 иргэн, дөрвөн компанийн шүүхийн шийдвэрийг танилцуулснаар өндөрлөхөөр боллоо.