Гэр бүлийн хүчирхийлэлд өртсөн иргэд мод, чулуу зэрэг гаднын биетээр цохиулснаас үүдэн гэмтсэн байна

2023-07-17,   189

Баяр наадмын өдрүүдэд гарсан осол гэмтлийн талаар Гэмтэл Согог Судлалын Үндэсний Төв (ГССҮТ)-өөс өнөөдөр мэдээлэл хийлээ. 

Наадмын өдрүүдэд ГССҮТ-ийн Хүлээн авах яаралтай тусламжийн тасагт осол гэмтлийн шалтгаанаар нийт 4,796 хүн тусламж үйлчилгээ авсан байна.

Тус төвд

  • 2,946 том хүн
  • 1,850 хүүхэд ханджээ. 

Долдугаар сарын 8-16-ны хооронд ахуйн хүрээний архидалттай холбоотой зодоон болон гэр бүлийн хүчирхийлэлд өртсөнөөс үүдэн 56 хүн эрүүл мэндийн тусламж үйлчилгээ авсан аж. Эдгээрээс 0-16 насны зургаан хүүхэд байна. Одоогоор дөрөв нь хэвтэн эмчлүүлж байгааг мэдээллээ. 

Энэ талаар ГССҮТ-ийн Хүлээн авах яаралтай тусламжийн тасгийн их эмч О.Лхагва-Очир "Гэр бүлийн хүчирхийлэлд өртсөн иргэд ихэвчлэн механик гэмтэлтэй ирсэн. Өөрөөр хэлбэл мод, чулуу зэрэг гаднын биетээр цохиулснаас үүдэн гэмтэж бэртсэн байна. 

Гэр бүлийн хүчирхийлэлд өртсөн дөрвөн хүүхэд тархины битүү гэмтэл, няцралтай ирсэн учраас эмчлүүлж байгаа. Гавал тархи болон гар сарвууны тасагт хэвтэж байгаа.

Бие мах бод болон сэтгэл санааны хувьд хүчирхийлэлд өртсөн эдгээр иргэн ГССҮТ-ийн Нийгмийн эрүүл мэндийн албаны нэг цэгийн үйлчилгээгээр тусламж үйлчилгээ авсан" гэдгийг хэллээ. 


Гэр бүлийн хүчирхийлэлд өртсөн иргэд мод, чулуу зэрэг гаднын биетээр цохиулснаас үүдэн гэмтсэн байна
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.