АНУ-ын Нью Йорк мужийн амбан захирагч Эндрью Куомо огцрох өргөдлөө өгчээ. Хараат бус мөрдлөгийн үр дүнд түүнийг 11 эмэгтэйд бэлгийн дарамт үзүүлж байсныг тогтоосны дараа тэрээр дээрх алхмыг хийсэн байна. “Миний хийж чадах хамгийн зөв зүйл энэ л байна” гэж тэрээр хэлсэн аж. Огцрох хүсэлт нь 14 хоногийн дараа хэрэгжих бөгөөд Эндрью Куомогийн орлогч Кэти Хочул орыг нь залгана. Тэрээр Нью Йорк мужийн түүхэн дэх анхны эмэгтэй амбан захирагч болох юм.

Э.Куомо өөрт нь тохсон буруутгалыг эсэргүүцэж, одоо ч хүлээн зөвшөөрөхгүй байгаа ч ардчилсан намын нэр бүхий зүтгэлтнүүд, тэр дотор Сенат дахь Ардчилсан намын бүлгийн дарга Нэнси Пелоси, Ерөнхийлөгч Жо Байден шахалт үзүүлсээр ийнхүү өргөдлийг нь өгүүлсэн байна. Э.Куомо хэдий огцорсон ч өөрт нь тохсон буруутгалыг эсэргүүцэж, одоо ч хүлээн зөвшөөрөхгүй байгаа юм. Тэрээр “Би хувьдаа хэзээ ч эмэгтэйчүүдтиэй харьцаж байхдаа хязгаарыг давж байгаагүй. Гэхдээ сайн мэдэхгүй байна, өнгөрсөн хугацаанд хязгаар яаж өөрчлөгдсөн юм байгаа юм. Ямартай ч тэдгээр эмэгтэйчүүдээс уучлалт хүсье” гэж мэдэгджээ.

Эндрью Куомо нь цар тахалд хамгийн ихээр нэрвэгдсэн мужийн захирагчаар ажилласан ч хангалттай үр дүнтэй ажилласан гэдэг шалтгаанаар америкчуудын дунд нэр хүнд нь эрс өсөж, “Дараагийн Ерөнхийлөгч” гэгдэж байв.