АНУ-ын Техас мужийн Даллас хотын дагуул Аллен хэмээх жижиг хотхоны худалдааны төвд зэвсэглэсэн этгээд найман хүнийг буудан хөнөөжээ.

Гэмт этгээд өөрөө цагдаа нарын өөдөөс эсэргүүцэж байгаад алагдсан байна. Хохирогчдын зарим нь хүүхэд байжээ. Өөр долоон хүн эмнэлэгт хэвтэн эмчлүүлж байгаагийн гурвынх нь биеийн байдал хүнд байгаа аж.

Аллен хотын онцгой байдлын албаны дарга Жонатан Бойд "Зэвсэгт этгээдийг оролцуулаад долоон хүн хэргийн газарт нас барж, хоёр нь дараа нь эмнэлэгт нас барсан" гэжээ.

Техас мужийн амбан захирагч Грег Эбботт энэхүү халдлагыг "Үгээр хэлэхийн аргагүй эмгэнэлт явдал" гээд, муж орон нутгийн эрх баригчдад ямар ч тусламж үзүүлэхэд бэлэн байна гэжээ.

Цагдаа нар нотлох баримт цуглуулж байгаа тул гэрчүүдийг Холбооны мөрдөх товчоонд хандахыг уриалаад байна.