Нагоя хот, 2020 оны наймдугаар сарын 5.

Олимпын аварга бүсгүйн алтан медалийг амандаа зуун олон нийтийн дунд шуугиан тарьж байсан Японы Нагоя хотын дарга Такаши Кавамура коронавирусээр халдварлажээ. 72 настай тэрээр гэртээ өөрийгөө тусгаарласан бөгөөд одоогоор шинж тэмдэг илрээгүй байгаа аж.

Такаши Кавамура нь олимпын аварга болсон софтболын тамирчин Миу Готог төрөлх хотдоо ирэх үед хүлээн авч, хүндэтгэл үзүүлэхдээ сэтгэл нь ихэд хөдлөн амны хаалтаа авч, улмаар олимпын алтан медалийг нь амандаа зууж зураг авахуулсан юм. Маш олон хүн барьж үзэж байсан алтан медалийг амандаа зуусан, олон нийтийн дунд амны хаалтаа авсан зэрэг нь тухайн үед шуугиан дэгдээж байв. Такаши Кавамура цар тахлын хорио цээрийн дэглэм зөрчсөн гэдгээрээ хариуцлага хүлээсэн бөгөөд медалийг хазах үедээ сэвтээсэн тул Зохион байгуулах хорооноос тамирчинд шинэ медаль өгнө гэж амалж байв.