Беларусийн Ерөнхийлөгч А.Лукашенко, ОХУ-ын Ерөнхийлөгч Владимир Путин нар энэ сарын 9-нд Москвад уулзах гэж байна. Уулзалтаар төрийн тэргүүнүүд хоёр улсыг нэгдмэл стандарттай болох ажлыг эхлүүлэх баримт бичигт гарын үсэг зурах нь  тодорхой болоод байна. Беларусиас ОХУ-д суух Элчин сайд Владимир Семашко ТАСС агентлагт энэ талаар мэдээлжээ.

Эхний ээлжинд авто замын газрын зургийг ижилсүүлэх бөгөөд цаашид энэ ажил үргэлжлэн явагдана. Беларусь улс ОХУ-тай холбооны улс болох бодлого барьж байгаа бөгөөд энэ ажлын хүрээнд 2030 онд хүртэл интеграци явуулах тохироотой юм. Беларусийн дотоодод гарч байгаа үймээний багагүй хэсэг нь ОХУ-тай ойртох энэхүү бодлогоос шалтгаалдаг. Харин А.Лукашенко хоёр улсын хамтын ажиллагаанд энэ бүхэн зайлшгүй гээд тусгаар тогтнолоо хэвээр хадгална гэж тайвшруулдаг аж.