Олимпын наадмын жүдо бөхийн барилдаан өнөөдөр эрэгтэй 60, эмэгтэй 48 кг-ын жингийн барилдаанаар эхэлнэ. Хэсгийн барилдаанууд 10.00 цагаас эхлэх бөгөөд МУГТ Дашдаваагийн Амартүвшин түрүүлэн дэвжээнд гарч, Недерландын Торнике Чакадоеатай барилдана. Түүнийг ялбал ОХУ-ын тамирчин, ДАШТ-ий мөнгөн медальт Роберт Мшвидобазетай шөвгийн наймд үлдэхийн төлөө барилдах юм. Хожвол Тайванийн Ян Юүвэй, Болгарын Янислав Герчев нарын хэн ялсныг хожиж шөвгийн дөрөв рүү орох боломжтой.

Харин МУГТ М.Уранцэцэг В хэсгийг тэргүүлж, эхний даваанд гоц мөргөсөн бөгөөд Германы катарина Менз, Чилийн Варгас Лей нарын хожсонтой эхний барилдаанаа хийнэ. Улмаар Испанийн Фигуероа, Израилийн Шира Ришони хоёрын аль нэгтэй хэсгийн аваргын төлөө барилдах төлөв харагдана.    

М.Уранцэцэгийн гол өрсөлдөгч, дэлхийн аварга Фуна Тонаки, Дарья Билодид, олимпын аварга Паула Парето  нар нөгөө зоонд орсон.