УИХ-ын чуулганы нэгдсэн хуралдаанаар Нийгмийн даатгалын багц хуулийн төслийг хэлэлцэж байна. Энэ үеэр Эрүүл мэндийн сайд С.Чинзориг "Одоогийн хуулиар Нийгмийн даатгалын үндэсний зөвлөл гурван талын төлөөлөлтэй. Засгийн газар, ажил олгогч, ажилтны төлөөллөөс бүрддэг. Үндсэндээ Нийгмийн даатгалын үндэсний зөвлөл хяналтын чиг үүрэгтэй. Гэтэл заавал хяналтын зөвлөл шинээр байгуулах, энэ зөвлөлийн гишүүд нь Нийгмийн даатгалын сангаас урамшуулал цалин авах, үйл ажиллагааны зардалтай байхаар хуулийн төсөлд тусгаад оруулаад ирлээ. Үүнийг зөв гэж үзэхгүй байна" гэлээ.