Монгол Улсын Ерөнхийлөгч У.Хүрэлсүх Беларусь улсад 10 дугаар сарын 24-26-ны өдрүүдэд албан ёсны айлчлал хийж байна. Түүний онгоц 10 дугаар сарын 24-нд Минскийн Үндэсний нисэх буудалд газарджээ.

Нисэх буудал дээр Монгол-Беларусийн худалдаа эдийн засгийн хамтын ажиллагааны комиссын Беларусь талын дарга, Аж үйлдвэрийн сайд Андрей Кузнецов Ерөнхийлөгч У.Хүрэлсүхийг угтсан байна.

Ерөнхийлөгч У.Хүрэлсүх Минск хотноо ирснийхээ дараа Ялалтын хөшөөнд цэцэг өргөжээ.

Монгол Улсын Ерөнхийлөгчийн айлчлал 10 дугаар сарын 26-ныг дуустал үргэлжилнэ. Мөн өнөөдөр хоёр талын төрийн тэргүүн хэлэлцээ хийх юм байна. Хэлэлцээний үеэр Монгол Улс, Беларусийн төрийн тэргүүнүүд 2024 онд Беларусийн Ерөнхийлөгч Александр Лукашенко Монгол Улсад айлчлах үеэр хүрсэн хэлэлцээрийн биелэлтийг үнэлж дүгнэн, хоёр талын цаашдын хамтын ажиллагааны гол чиглэлүүдийг тодорхойлох аж.