СУРТАЛЧИЛГАА

2023 онд Монголын хөрөнгийн бирж дээр хөрөнгө оруулалтын бүтээгдэхүүн болох хөрөнгөөр баталгаажсан үнэт цаас (ХБҮЦ) хоёр удаа арилжаалагдсан юм. Оны эхэнд гарсан ХБҮЦ нь нийт 9 тэрбум төгрөг татан төвлөрүүлэх зорилготой байсан “Бэрс 2 ХБҮЦ”-ны захиалга арилжаа эхэлснээс хойш 41 минутын дотор дүүрсэн нь тухайн үедээ хөрөнгийн зах зээл, хөрөнгө оруулагчдын дунд чамгүй “шуугиан” дэгдээсэн билээ. Гэтэл өнөөдөр 20 тэрбум татан төвлөрүүлэх зорилготой байсан “Бичил 2.0 ХБҮЦ”-ны захиалга анхдагч арилжаа нээгдсэнээс хойш 4 цагийн дотор дүүрсэн нь сонин, содон үйл явдал боллоо. 
 

Мэргэжилтнүүд энэ үзэгдлийг хүмүүс мөнгөнийхөө үнэ цэнийг алдагдуулахгүйн тулд, хууль ёсны дагуу, эрсдэлгүй, найдвартай зүйлд хөрөнгө оруулах сонирхол өндөр байгаагийн зэрэгцээ хөрөнгө оруулалтын бүтээгдэхүүнүүдэд, тэр дундаа ХБҮЦ-нд итгэдэг болсны илрэл хэмээн тайлбарлаж байна. Мэдээж хэрэг, тус ХБҮЦ-ыг гаргасан компанид, түүний үйл ажиллагаанд, 15 жилийнх нь түүхэнд итгэсэн олон хүн байгаа гэдэгт эргэлзэхгүй байна.

Нэрнээс нь анзаарсан бол энэ БИЧИЛ 2 ХБҮЦ-ыг Бичил Эй Би Эс Плас ТЗК ХХК-аас гаргаж хөрөнгө оруулагчдад санал болгосон бөгөөд энэ компани Бичил Глобус ББСБ-н байгуулсан хөрөнгө оруулалт татах зорилготой ТЗК (Тусгай Зориулалттай Компани) компани юм. “Бичил Глобус Санхүүгийн байгууллага” нь 2008 оноос эхлэн жижиг дунд бизнес эрхлэгчид, иргэдэд зориулан шуурхай зээлийн үйлчилгээгээр эхлүүлж байсан бол өдгөө тус компани нь нийслэл, орон нутгийн 16 салбар, төвүүдээр дамжуулан санхүүгийн цогц үйлчилгээг 6,000 гаруй харилцагчдадаа мэргэжлийн өндөр түвшинд хүргэн ажиллаж байна.