АН-ын бүлгийн дарга О.Цогтгэрэл: -Улс төрийн намын тухай хуулийн ажлын хэсгийг манай намаас байгуулсан. Ирэх долоо хоногт УИХ-аар уг төсөлийг хэлэлцэж эхлэхтэй холбогдуулан ажлын хэсгээсээ мэдээлэл сонслоо. Энэ төслийг өргөн барихаас өмнө манай намын зүгээс саналаа өгсөн. Түүнээс зургаан санал төсөлд тусгагдсан. Үлдсэн саналаа хэлэлцүүлгийн үед оруулахын төлөө ажиллана. Зарим зүйл заалтуудыг өөрчлөх шаардлага ч бий. Тухайлбал, Засгийн газрын Хэрэг эрхлэх газрын дарга нь МАН ерөнхий нарийн бичгийн бичгийн даргаар ажиллаж байна. Үүнийг хуулиар нарийн зохицуулах ёстой.

Мөн Засгийн газраас УИХ-д өргөн барьсан Авлигатай тэмцэх үндэсний хөтөлбөртэй танилцаж, дэмжихээр боллоо. 

АН-аас байгуулсан Улс төрийн намын тухай хуулийн дэд ажлын хэсгийн ахлагч М.Чимэддорж: -Төрийн хяналтын байгууллагуудаар дамжуулан улс төрийн намуудын үйл ажиллагаанд оролцох, үйл ажиллагааг нь хязгаарлах үүд хаалга нээгдэх вий гэсэн болгоомжлол байна. Намын үйл ажиллагааг бол төрийн бус олон нийтийн хяналтад байх ёстой.