Хөвсгөл аймагт "Цаатан фестиваль" ирэх долоодугаар сарын 6-7-ны өдрүүдэд болох товтой байна. Тус фестивалийн үеэр, цааны уралдаан үзэж, цаатан иргэдийн амьдрал ахуйтай танилцах, зургаа авхуулах боломжтой аж. "Цаатан фестиваль" нь цаатан иргэдийн соёлыг дэлхий нийтэд таниулах, сурталчлах зорилготой.   Ингэхдээ Монгол орны хоймор нутагт өв уламжлалаа хадгалан амьдарч байгаа цаатан иргэдийн өвөрмөц аж амьдралын соёл, ёс заншлыг түгээн дэлгэрүүлэх юм. Түүнчлэн нутгийн иргэдийн амьжиргааны түвшнийг сайжруулах, орлогыг нэмэгдүүлэх зорилгоор 19 дэх жилдээ зохион байгуулагдах аж.