УИХ-ын Төрийн байгуулалтын байнгын хорооны дарга Н.Энхболд тэргүүтэй ажлын хэсэг УИХ-ын сонгуулийн тухай хуулийн төслийг боловсруулж дуусжээ. Тэд төслөө өнөөдөр УИХ-ын дарга Г.Занданшатарт өргөн барьсан байна.   

Шинээр боловсруулсан хуульд дараах таван онцлог өөрчлөлт оржээ. Үүнд:

-Сонгуулийг прропорциональ 38: мажоритар 38 гэсэн холимог тогтолцоогоор явуулна. 

-Сонгуулийн зардлыг бууруулах тал дээр анхаарсан. 

-Гадаадад байгаа сонгогчдын саналыг авна. 

-Намуудад УИХ-д суудал авах босгыг гурван хувь болгосон. 2012 онд холимог тогтолцоогоор сонгуульдахад босго таван хувь байв.

-Эмэгтэйчүүдийн квотыг 30-аас доошгүй хувь байлгана. Өмнөх хуулиар 20 хувь байсан.

Хуулийн төслийг Төсөл боловсруулах явцад Засгийн газраас 30 гаруй санал өгсөн. Тэдгээрээс жендерийн тэгш байдлыг хангах тал дээр гаргасан саналууд нь хуульд тусгалаа олсон гэнэ. Тодруулбал, шинэ хууль батлагдвал УИХ хамгийн багадаа 19 эмэгтэй гишүүнтэй болох юм.