УИХ-ын гишүүн С.Одонтуяа олон нийтийн сүлжээнд “Нүүрсний хулгайч” нарын Монголоос хулгайлсан мөнгө Казахстанд тансаг зэрэглэлийн хороолол болж байгаа нь үнэн” гэж жиргэсэн билээ. Тэгвэл Хууль зүйн сайд Х.Нямбаатар өнөөдөр "Эрдэнэс Тавантолгой ХК-ийн дотоод хяналт, эрсдэлийн удирдлагын газрын захирал асан Х.Нурлатын хамаарал бүхий компани Казахстан улсын Алматы хотод тансаг зэрэглэлийн орон сууцны хорооллыг барьж байгуулсан гэдэг асуудлаар мөрдөн шалгах ажиллагаа явуулж байгааг олох нийтэд зарлалаа. Тэрбээр "Энэ хэрэг шүүхэд шилжих шатандаа явж байна. Гэсэн хэдий ч шүүхийн шийдвэр гартал бид тухайн хүнийг гэмт буруутай гэж зарлаж болохгүй. Үүнтэй адил мөрдөн шалгах ажиллагаа явагдаагүй тохиолдолд УИХ-ын гишүүдийн нэрсийг зарлах боломжгүй" гэсэн юм.