Өнөөдөр болсон Засгийн газрын ээлжит бус хуралдаанаас гаргасан шийдвэрийн талаар ЗГХЭГ-ын дарга Д.Амарбаясгалан мэдээлэл хийлээ.

Тэрбээр "Засгийн газар өнөөдөр хуралдаад ҮАБЗ-ийн зөвлөмжөөр улсын нууцад авсан байсан нүүрсний есөн гэрээг нууцын зэрэглэээс гаргах шийдвэр гаргалаа. Гэрээг ийн ил болгосноор АТГ шалгах, иргэд олон нийт танилцах, УИХ-ын хянан шалгах түр хороо анхаарлаа хандуулах боломжтой болж байна.

Энэхүү есөн гэрээ нь "Эрдэнэс Тавантолгой" ХК-иас төсөл хөтөлбөр хэрэгжүүлэхтэй холбоотой байгуулсан офф-тейк гэрээ юм.

Цаашид, төслүүдийг ҮАБЗ-ийн зөвлөмжөөр улсын нууцад хамааруулдаг байдлыг таслан зогсооно. Засгийн газар дахин нууц гэрээ байгуулахгүй, түүнийг батлахгүй гэсэн зарчмын шийдэлд хүрлээ" гэлээ.