“Нүүрсний хулгай”-н хэрэг илрүүлэлтийг яаравчлахыг шаардсан иргэдийн жагсаал тав дахь өдрөө үргэлжилж байна. 14.00 цагт Хууль зүй дотоод хэргийн сайд Х.Нямбаатар жагсагчдын өмнө гарч, хэрэг шалгалтын явцын талаар мэдээлэл өгсөн билээ. Тэрбээр жагсагчдын шаардлагын дагуу хэрэг шалгалтын ажиллагааг шуурхайлсныг дуулгаад  

-Урд шөнө АТГ, ЦЕГ мөрдөн шалгах ажиллагаа явуулж Б.Ганхуяг нарын найман хүнийг хорьсон. АТГ нэр бүхий 11 хүнийг шалгаж байна. Мөрдөн шалгах ажиллагааг үргэлжлүүлэхээр Өмнөговь руу баг гаргасан. Дундговь өнгөрөөд явж байна. Багийн бүрэлдэхүүнд 2009 оноос хойш хэчнээн хэмжээний уулын цулыг олборлосон юм бэ гэдгийг хэмжих маркшейдерүүд, Хил, гаалийн байгууллагууд яваа.

-ГЕГ-аас хилээр гарсан нүүрстэй холбоотой дүн мэдээллийг Мөрдөн байцаах газарт өнөөдөр шилжүүлсэн. Энд нийтдээ 3000 гаруй ААН-ын гаальд бүртгэлгүй гарсан машинуудыг бүртгэлийг нь хийсэн. Уг хэрэгт эрүүгийн үүсгэж байна.

-Том, жижиг Таван толгойн сүүлийн 10 жилийн тайланг өнөөдөр дэлгэе" гэсэн гурван мэдээлэл өгсөн.

Үргэлжлүүлээд жүжигчин У.Цогтбаяр "Буруутай этгээдүүдийг нэн даруй илчлэхийг шаардахад “Шүүхээр гэм буруу нь нотлоогүй байгаа тохиолдолд нэг ч хүнийг буруутгахгүй” гээд рөнхий сайдад танилцуулаад 16.00 цагт эргэж гарч ирэхээр болсон юм.