Монгол Улсын Ерөнхийлөгч У.Хүрэлсүх өнөөдөр 12.30 цагт Хууль хүчний байгууллагуудын удирдлагыг хүлээж авч уулзлаа. Тэрбээр Хууль зүйн сайд Х.Нямбаатар тэргүүтэй дарга нарыг “Ард түмэн дөрөв дэх өдрөө жагсаж байхад нүүрсний хулгайн хэргийн эздийг зарласангүй” хэмээн зэмлээд, “Хууль хэрэгжүүлэх субъект нь Засгийн газар. Бүх эрх мэдэл Засгийн газар байгаа. Гэтэл яагаад хэргийн эздийг олохгүй байна вэ” хэмээн бухимдсан юм.

Хууль зүйн сайд Х.Нямбаатар Ерөнхийлөгчийн асуултад “Нүүрсний хэргийг шалгахын тулод 2015 оноос хойш хилээр орж гарсан автомашинуудын жолооч нараас байцаалт авч, цаад эзэмшигч, эздийг нь тогтоох ажил хийгдэж байгаа. Шалгагдаж байгаа хүмүүсийн нэрсийг зарласан. Яг одоогоор тогтоогоод Засгийн газарт мэдээлэл ирүүлсэн зүйл байхгүй” гэсэн хариулт өгсөн юм.