Засгийн газар өнөөдөр хуралдсан ч хэлэлцсэн асуудлын талаар мэдээлэл хийсэнгүй. Учир нь ирэх баасан гарагт Засгийн газар дахин ээлжит бусаар хуралдаж, төсвийн тодотгол хэлэлцэхээр болжээ. Тухайн өдөр олон нийтэд мэдээлэл хийнэ гэдгийг Засгийн газрын хэвлэлийн албанаас мэдээлэв.

Өнөөдрийн хуралдаанаар:

Төрийн өмчит банкийг олон нийтэд нээлттэй хувьцаат компанийн хэлбэрт шилжүүлэх үндсэн чиглэл батлах тухай,

Хилийн шугам дахь чингэлэг шилжүүлэн ачих талбайг өргөтгөх тухай,

Монгол Улсын Хөгжлийн Банкны чанаргүй зээлийн авлагыг төлүүлэх талаар авч хэрэгжүүлж байгаа арга хэмжээний явц, цаашид авах арга хэмжээ,

Хилийн Гашуунсухайт, Шивээхүрэн боомтын үйл ажиллагааг эрчимжүүлэхэд зайлшгүй шаардлагатай арга хэмжээг авч хэрэгжүүлэх үүрэг бүхий Ажлын хэсгийн явц зэрэг 30 гаруй асуудал хэлэлцсэн байна.