НҮБ-ын Ерөнхий Ассамблей Украины асуудлаар шуурхай хуралдаж байгаа билээ. Хуралдаанаар үүссэн нөхцөл байдлыг хэлэлцэж, шийдвэрлэхэд чиглэсэн тогтоолын төслийг батлах юм. Энэхүү тогтоолын төслийг батлах эсэх санал хураалт дээр улс орнууд энэ асуудал ямар байр суурь баримтлах нь тодорхой болох ёстой. Энэ санал хураалтыг лхагва гарагт буюу маргааш явуулахаар болсон байна. Хуралдааны явцад 100 гаруй улс үг хэлэхээр болсон учир ийнхүү бага зэрэг сунжирчээ. Ерөнхий Ассамблейгаас гарсан тогтоол нь заавал хэрэгжих үүрэггүй ч нийт гишүүн улсуудын хүсэл зоригийг илэрхийлдэг гэдэг утгаараа өндөр ач холбогдолтой байдаг юм.