ОХУ Донецк, Луганскийн БНУ-ыг дэмжин Украины эсрэг цэргийн ажиллагаа явуулж эхлээд байгаа билээ. Дээрх нөхцөл байдалтай холбоотойгоор Украинд оршин сууж буй монголчуудын аюулгүй байдал эрсдэлд ороод буй. Тэгвэл Украин дахь иргэдийнхээ асуудплыг хэрхэн шийдвэрлэх талаар Шадар сайд С.Амарсайхан мэдээлэл өгчээ. Тэрээр "Украин улсад дайны нөхцөл байдал үүслээ. Улс орнууд иргэдээ Украин улсаас татах арга хэмжээ авч байна. Тус улсад манай улсын 60 гаруй оюутан, залуус иргэд амьдардаг. Тэдний тал нь эх орондоо ирсэн. Одоо 30-аад хүн байна. Энэ асуудлаар өчигдөр Гадаад харилцааны сайдтай ярьж, ОХУ дахь Монголын ЭСЯ-тай хамтарч, иргэдээ ойрын үед татах үүрэг даалгавар өгсөн" гэлээ.