Ерөнхий сайд Л.Оюун-Эрдэнэ Хөгжлийн банкны удирдлагуудтай уулзаж, үүрэг даалгавар өгчээ. Уулзалтынхаа үеэр тэрээр "Хөгжлийн банкны ТУЗ-ийг 100 хувь өөрчилж чөлөөлөх нь зүйтэй" гэсэн байр суурь илэрхийлсэн талаар хэвлэлүүд мэдээлж байна. Мөн ажилдаа хариуцлагагүй хандан, чанаргүй зээл авсан компаниудын нөлөөнд орсон байж болзошгүй тус банкны 20 гаруй албан тушаалтныг хуулийн байгууллагын саналд үндэслэн ажлаас нь чөлөөлөхийг Хөгжлийн банкны удирдлагад даалгажээ. Уламаар энэ бүхний хэрэгжилтийг Засгийн газрын хуралд танилцуулахыг үүрэг болгосон байна.