Гадаад харилцааны сайд Б.Батцэцэг урд хөрш хилээ хаасан талаарх асуудалд болон хоёр орны харилцаа хэвийн байгаа эсэх асуултад хариулт өглөө.

Тэрбээр “Хятадтай Монгол Улс ямар нэгэн байдлаар улс төрийн харилцаа болоод гадаад харилцааны хувьд маргаан байхгүй гэдгийг хариуцлагатайгаар мэдэгдье. Гэхдээ ирэх оны хавраас нааш урд хөрш рүү зорчих боломж нөхцөл байхгүй байна. Гэвч энэ нь зөвхөн монгол улсад үүсээд буй асуудал биш. Хуурай замын боомттой найман улсад нөхцөл байдал ижил байна. Хятадын боомтын зөвлөл халдварын нэг ч тохиолдлыг гадаадаас нэвтрүүлэхгүй гэдэг зарчим, дүрэм, журам баримтлаж байна” гэв.