Өмнөд Солонгост гадаадад гэмт хэрэг үйлдсэн хэргээр Интерполоор эрэн сурвалжлагдаж буй 110 гадаадын иргэн нуугдаж байгаа талаар мэдээлжээ. Тэдний дотор Монгол Улсын 17 иргэн байна. Энэ үзүүлэлтээр Монгол Улс Узбекистаны дараа 3-р байрт орж байгаа бөгөөд нийт эрэн сурвалжлагдаж буй гадаадын иргэдийн 15.5 орчим хувийг Монголын иргэд эзэлж байна.
Харьцуулбал:
Хятад — 40
Узбекистан — 19
Монгол — 17
Вьетнам — 13
Казахстан — 8
ОХУ — 7
Киргизстан — 2

Солонгосын цагдаа эрэн сурвалжлах ажиллагаагаа чангатгаж байна. БНСУ-ын Үндэсний цагдаагийн газар гадаадын гэмт хэрэгтнүүдийг эрэн сурвалжлах ажилтнуудын тоог энэ онд 22-оос 64 болгон нэмэгдүүлсэн байна. Үүний үр дүнд эрэн сурвалжлагдаж байсан гадаадын иргэдийг өөрсдийнх нь улсад буцаасан тоо нэмэгдэж, өнгөрсөн онд 13 байсан бол энэ оны 1–8 дугаар сард 24 хүн болжээ. Мөн улс хоорондын хамтын ажиллагаа сайжирснаар гадаадад нуугдаж байсан Өмнөд Солонгосын гэмт хэрэгтнүүдийг баривчлан эх оронд нь шилжүүлэх ажиллагаа эрчимжиж байгаа аж. Монгол Улсын 17 иргэн Интерполоор эрэн сурвалжлагдаж байгаа гэх энэ мэдээлэл нь гадаадад ажиллаж, амьдарч буй монголчуудын хувьд анхаарах ёстой тоо юм.