Украины дайны улмаас олон улсын тэмцээнд оролцож чадахгүй болсон орос тамирчид иргэншлээ сольж, гадаад орны нэрийн өмнөөс өрсөлддөг болсон билээ. Энэ хандлага Оросын гоо бүсгүйчүүдэд ч нөлөөлж, тэд миссийн тэмцээнд гадаад орныг төлөөлөн оролцох болжээ. Якутын модель, “Снежная краса” цомын эзэн Елена Егорова 2022 онд Дэлхийн гоо бүсгүйн тэмцээнд Монголын нэрийн өмнөөс оролцож байсан бол энэ жилийн “Miss Universe 2025” тэмцээнд Сербийг төлөөлөн оролцохоор болжээ.

28 нас хүрч буй Елена энэ жил болох “Miss Universe 2025” тэмцээнд Сербийг төлөөлөн оролцохоор болсон нь Сербид маргаан үүсгээд байгаа бөгөөд олон нийт: “Яагаад энэ ази эмэгтэй манай орныг төлөөлдөг билээ? Балканы гоо үзэсгэлэн хаачив? Үзэсгэлэнтэй серби бүсгүйчүүд алга болов уу”гэж бухимдаж байгаа аж.

“Miss Universe 2025” тэмцээн энэ сарын 21-нд Тайландад болох юм.