Өмнөд Солонгосын ерөнхийлөгч Юн Сук Ёлыг огцруулах эсэхийг шийдэх шүүхийн анхны сонсгол боллоо. Гэвч Юн Сук Ёл өөрийн биеэр хүрэлцэн ирээгүй учир шүүх хурал дөрвөн минут хүрэхгүй хугацаанд үргэлжлээд дуусав. Баривчилгаа явагдаж магадгүй тул Юн аюулгүй байдлаа бодолцоод шүүх хуралд оролцохгүйгээр шийдсэн гэдгийг түүний хуульчид өмнө нь мэдэгдэж байсан билээ. Гэхдээ зохистой цагтаа очих болно гэсэн юм.

Дараагийн сонсголыг Пүрэв гаригт буюу нэгдүгээр сарын 16-нд товложээ.

Эргэн сануулахад, цэргийн онц байдал зарлаж, улс орныг үймэхэд хүргэсэн учир Юн Сук Ёлыг суудлаас нь огцруулах саналыг тус улсын хууль тогтоогчид гаргасан. Огцруулах буюу импичментийн санал хураалтыг шүүхийн найман бүрэлдэхүүний зургаа нь хүлээн зөвшөөрч байж энэ нь албажих юм.

Юн Сук Ёл импичментийн санал хураалтаас хойш өөрийн биеэр олон нийтэд мэдэгдэл хийгээгүй. Өнгөрсөн хугацаанд түүний хуульчид л өмнөөс нь мэдэгдэл хийж буй. Цэргийн онц байдлаас гадна бослого өдүүлсэн гэх хэргээр түүний баривчлахаар Өмнөд Солонгосын мөрдөн байцаагчид бэлтгэж байна. Энэ сарын 3-ны өдөр Юныг баривчлахыг завдсан ч ерөнхийлөгчийн хамгаалалтын албатай тулгарч, улмаар няцсан билээ.

ЭХ СУРВАЛЖ: BBC