Дэлхийн шилдэг 16 баг өрсөлдөх Шанхайн Мэйжорын хасагдах шатны тоглолтууд өнөөдөр эхэлсэн.

Монголын "The MongolZ" түүхэндээ хоёр дахь удаагаа эхний шатаа давж, хасагдах шатанд шалгараад байгаа бөгөөд өнөөдөр өглөө эхний тоглолтоо "Valve" чансаагаар дэлхийд тэргүүлж буй "G2" багийн эсрэг тоглож, 13-10 гэсэн харьцаатайгаар хожлоо.

Мөн өнгөрсөн дөрөвдүгээр сард ESL Pro лигийн 19-р улирлын үеэр учраа таарахад "The MongolZ" ялсан бол сүүлд долдугаар сард дэлхийн аваргаар таарахад "G2" ялж байжээ. Түүнчлэн "G2" багийн хувьд "Valve"-ийн чансаагаар нэгдүгээрт бичигдэж байгаа бол "The MongolZ" баг тавдугаар байрт бичигдэж байгаа юм.