МОСКВА, 2024 оны арваннэгдүгээр сарын 20 /RIA Novosti/. ОХУ-ын Ерөнхийлөгч Владимир Путин Энэтхэг улсад албан ёсны айлчлал хийнэ, гэхдээ айлчлалын тов хараахан гараагүй байна гэж Оросын төрийн тэргүүний хэвлэлийн нарийн бичгийн дарга Дмитрий Песков мэдээлжээ. 

“Ерөнхийлөгч Путиний Энэтхэгт хийх айлчлалын товыг бид тун удахгүй тохиролцож чадна гэж найдаж байна. Энэтхэгийн Ерөнхий сайд Нарендра Моди Орост хоёр удаа айлчилсны дараа одоо Оросын төрийн тэргүүн хариу айлчлах нь тодорхой. Бид энэхүү айлчлалыг тэсэн ядан хүлээж байна” гэж Кремлийн төлөөлөгч хэлсэн байна.

Москва эл айлчлалд "маш их ач холбогдол өгч" байгаа тул айлчлалын бэлтгэлийг нягт нямбай зохион байгуулна гэдгийг С.Песков онцолжээ. Н.Моди ОХУ-д долоодугаар сард айлчилж, 8, 9-ний өдрүүдэд В.Путинтэй хэлэлцээ хийж, хоёр орны харилцааны талаар ярилцсан юм. ОХУ-ын төрийн тэргүүн мөн Энэтхэгийн Ерөнхий сайдад засгийн газрын тэргүүнээр дахин томилогдсонд нь баяр хүргэж, улс орныхоо удирдагчийн хувьд гаргасан түүний амжилтыг онцолжээ. Н.Моди БРИКС-ийн дээд хэмжээний уулзалтад оролцохоор 10 дугаар сарын 22-нд Казань хотод хүрэлцэн ирсэн бөгөөд энэ үеэр ОХУ-ын Ерөнхийлөгчтэй уулзсан байна. 

Эх сурвалж: "Монцамэ" агентлаг