Сүүлийн арван жилийн хугацаанд Японы нийслэл Токио хотын ойр орчмоос баригдсан зэрлэг илбэнхийн тоо тав дахин нэмэгдэж, хотын ойролцоох тариалангийн талбай, аж ахуйд их хэмжээний хохирол учруулах болжээ.

Холимог тэжээлтэй энэ амьтан Умард Америкийн уугуул бөгөөд тэжээх зорилгоор Японд авчраад хаягдсанаас зэрлэгшсэн байж болзошгүйг тус улсын байгаль орчны яам мэдээлсэн байна.

Японы эрх баригчид илбэнхийг 2013 онд гаднын эзлэн түрэмгийлэгч төрөл зүйлээр зарлаж, устгах арга хэмжээг эхлүүлж байжээ.

2022 онд Токио орчмоос 1,282 илбэнх баригдсан нь 2012 оны 259-өөс тав дахин өссөн үзүүлэлт юм.

2022 онд Япон даяар хөдөө аж ахуйн салбарт илбэнхийн учруулсан хохирлын хэмжээ 450 сая иен болжээ.

Илбэнх тариалангийн талбайд жимс, ногоо, үр тариа идэж устгахаас гадна фермийн малыг барьдаг байна.

Бас устахын ирмэг дээр байгаа Японы арлын уугуул амьтан болох Токиогийн саламандер нэртэй гүрвэлийг идэж устгадаг нь тогтоогджээ.

Японы орон нутгийн эрх баригчид илбэнх барих хавх, урхийг иргэдэд тараах зэрэг арга хэмжээ авсан ч түргэн үрждэг, шинэ орчин нөхцөлд дасан зохицох өндөр чадвартай энэ амьтны тоо толгойг цөөрүүлж чадахгүй байгаа гэнэ.

Эх сурвалж: Kyodo News