Бямба гарагт Австралийн Сидней хотын нэгэн худалдааны төвд хутгаар зэвсэглэсэн этгээд зургаан хүний амийг хөнөөсөн халдлага гарсан билээ.
Хэргийн газарт цагдаад буудуулж алагдсан халдлага үйлдэгчийг сүүлд сэтгэцийн өвчтэй Жоэл Каучи гэгч байсныг тогтоосон юм.
Тэрбээр таван эмэгтэй, хамгаалалтын ажилтан нэг эрэгтэйн амийг хөнөөж, 12 хүнийг шархдуулжээ.
Сошиал ертөнцөд тарсан дүрсэнд нэгэн залуу урсдаг шатаар өгсөж байсан алуурчныг айлган буцааж буй үйлдэл бичигдсэн байлаа. Хэрвээ ингэж саатуулаагүй бол алуурчин илүү олон хүний амь нас, эрүүл мэндэд хохирол учруулах байв.
Хүмүүсийн хөдөлгөөний урсгалыг хязгаарлах зориулалттай тулгуур баганаар зэвсэглэсэн энэ залуу хүмүүсийн дунд “баатар” хэмээн өргөмжлөгдөх болжээ.
Тэгвэл энэ баатар нь Австралид барилгын ажил хийдэг Францын иргэн Дамиан Жеро байсан байна.
Тухайн өдөр тэр өөрийн нутаг нэгт, бас барилга дээр ажилладаг Силас Деспротой цуг халдлага гарсан худалдааны төвд явж байжээ.
Австралийн ерөнхий сайд Энтони Албаниз зориг гарган хүмүүсийн амийг аварсан Жерог байнга оршин суух эрхээр шагнах болсныг өчигдөр зарласан байна.
Жерогийн визний хугацаа дуусахад сар хүрэхгүй хугацаа үлдээд байжээ.
“Хүссэн хугацаагаараа манай улсад оршин суух эрхтэй болсныг би Дамианд дуулгамаар байна. Мэдээж ингэх нь Франц улсын хувьд гарз болох ч түүнийг Австралийн иргэн болбол би талархан хүлээж авах болно. Ер бусын эр зоригт тань талархаж байна” гэж Мягмар гарагт болсон хэвлэлийн хурлын үеэр ерөнхий сайд хэлсэн юм.
“Бид түүний ирж байгааг хараад шууд зогсоох хэрэгтэй гэж бодсон” гэж Ням гарагт Австралийн телевизэд Жеро ярьж байв.
Дээд давхарт гарч чадалгүй буцсан алуурчныг цагдаагийн эмэгтэй офицер Эми Скотт буудаж, аюулгүй болгосон юм.
Францын ерөнхийлөгч Эммануэл Макрон баатарлаг гавьяа байгуулсан иргэддээ Х хуудсаараа дамжуулан баяр хүргэж байв.
Аллага үйлдсэн 40 настай Жоэл Каучи нь 17 насандаа анх сэтгэцийн эмгэгтэй нь тогтоогдсон хүн болохыг мөрдөгчид сүүлд мэдээлсэн юм.
Түүнийг ямар нэг үзэл суртлын улмаас аллага үйлдээгүй гэж үзэж байгаа. Гэхдээ эмэгтэйчүүдэд халдах зорилготой байсан гэж дүгнэжээ.
Сидней хотын хамгийн том худалдааны төвүүдийн нэгд гарсан энэ аллага харьцангуй тайванд тооцогддог Австралийн нийгмийг цочроосон юм.
Эх сурвалж: BBC
| Алуурчинд саад учруулсан гадаадын ажилчныг Австралид байнга оршин суух эрхээр шагнажээ |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38