Украин, Израиль зэрэг холбоотнуудад үзүүлэх зэр зэвсгийн тусламжийн багцыг энэ долоо хоногт хэлэлцэхээр төлөвлөснийг АНУ-ын Конгрессын төлөөлөгчдийн танхимын спикер Майк Жонсон өчигдөр мэдэгджээ.
Нийтдээ $96 тэрбумын тусламжийн асуудал Конгрессын дээд танхим Сенатын дэмжлэгийг авсан ч доод танхим болох төлөөлөгчдийн танхимд олон сарын турш саатаад байгаа.
Өнгөрсөн Бямба гарагт Иран улсын зүгээс Израилийн газар нутагт довтолсон нь тусламжийн асуудлыг яаравчлахад хүргэж байна.
Жонсоны мэдээлснээр хуулийн төслийг Израилийн болон Украины тусламжаар тус тусад нь салгаж хэлэлцэх гэнэ.
Украины засгийн газар зэр зэвсгийн хомсдолд орж, Оросын түрэмгийллийг эсэргүүцэхэд хүнд болоод байгаа.
Гэвч төлөөлөгчдийн танхим дахь баруун жигүүрийн Бүгд Найрамдахчууд хэт өндөр зардалтай гэсэн шалтгаанаар Украинд үзүүлэх тусламжийг одоогийн хэлбэрээр батлахын эсрэг байгаа юм.
Тэдний дунд 2024 оны ерөнхийлөгчийн сонгуульд тус намаас нэр дэвших магадлалтай байгаа Дональд Трамп багтаж байна.
Спикер Жонсон өмнө нь холбоотнуудын тусламжийн багцыг АНУ-ын хил хамгаалалтыг чангатгах нөхцөлөөр ерөнхийлөгч Жо Байдентай наймаалцахыг оролдсон ч бүтээгүй юм.
“Дэлхий дахинд хурдацтай үйл явдлууд өрнөж буйг бид бүгд харж байгаа. Нөгөө талаас биднийг ямар хариу үйлдэл үзүүлэхийг дэлхий нийт анхааралтай ажиглаж байна” гэж Жонсон өчигдөр хэлжээ.
Тэрбээр цааш нь ярихдаа Орос, Ираны удирдагчдыг “террористууд, аймшигт дарангуйлагчид” гэж нэрлэсэн юм.
Жонсон $96 тэрбумын багцыг одоогийн хэлбэрээр биш, дөрвөн тусдаа хэсэгт хувааж хэлэлцүүлэхийг мэдэгджээ. Уг багцад Энэтхэг-Номхон далайн бүс нутаг дахь холбоотнууд, тухайлбал Тайваньд үзүүлэх тусламжийн хэсэг бас багтаж байгаа юм.
Хэлэлцүүлгийг Баасан гарагийн орой явуулах гэнэ.
Жонсон өмнө нь Украины тусламжийг зээл хэлбэрээр батлах хувилбарыг дэмжиж байгаагаа илэрхийлж байжээ.
Украины дайн эхэлсэн цагаас хойш битүүмжлэгдсэн Оросын хилийн чанад дахь хөрөнгийг худалдах замаар буцаан төлөгдөх нөхцөл үүнд яригдаж байгаа юм.
Эх сурвалж: BBC
| АНУ-ын Конгресс удаан хүлээгдсэн Украинд үзүүлэх тусламжийн асуудлыг энэ долоо хоногт хэлэлцэнэ |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38