Холбооны нөөцийн сангийн /ХНС/ инфляцийн тайланд хувь хүний хэрэглээний зардлын индекс 2023 оны хоёрдугаар сараас 2024 оны хрёрдугаар сар хүртэл 2,5 хувь өссөн байна. Мөн сар сараар харьцуулсан индексд энэ оны хоёрдугаар сарын хувь хүний зардал нэгдүгээр сарын үзүүлэлтээс 2,4 хувиар өсчээ. Жилийн инфляцийн өсөлтөд нөлөөлсөн хүчин зүйл нь өнгөрсөн сард эрчим хүчний үнэ 2.3 хувиар өссөнтэй холбоотой. Худалдааны яамны өнгөрсөн долоо хоногт мэдээлснээр ХНС инфляцийг 2 хувь хүртэл бууруулах зорилго нь биелэгдэшгүй гэв.

Өргөн хэрэглээний хоол хүнс, эрчим хүчний үнийг хасаж гаргасан тайланд нэг жилийн инфляцийн түвшин 2,9 хувиас 2,8 хувь болж буурсан байна. Мөн сар бүрийн инфляцийн тооцоолол 0,5 хувиас 0,3 хувь болж буурсан тул суурь үзүүлэлтүүд хүлээлттэй нийцэж байна гэж Төв банк мэдэгдужээ.Хэдийгээр сүүлийн үеийн  эдийн засгийн мэдээллүүд хэрэглэгчдийн зарцуулалт удааширч байгааг харуулсан ч өнгөрсөн долоо хоногт гарсан нэгдүгээр сарын индекс хэрэглэгчид худалдан авалтаа ихэсгэсэн гэдгийг онцлов.  Хэрэглэгчийн зарцуулалт нэгдүгээр сард 0.2 хувиас өнгөрсөн сард 0.8 хувиар өссөн байна. Энэ нь нэг жил гаруйн хугацаанд гарсан хамгийн том өсөлт юм.

Инфляцийн сүүлийн үеийн мэдээлэл нь ХНС-ийн хүүг бууруулах төлөвлөгөөг өөрчлөх магадлал багатай юм. Пауэлл тэргүүтэй төв банкныхан 2 хувийн инфляцид хүрэх нь хэцүү байна  гэж дохио өгсөн.