Өчигдөр буюу Пүрэв гарагт Тверь мужийн Торжок хотод агаарын зэвсэгт хүчний алба хаагчидтай уулзахдаа ОХУ-ын ерөнхийлөгч Путин бас нэг анхааруулгыг НАТО-гийн гишүүн орнуудад өгсөн байна.
Орос улс НАТО-гийн аль нэг гишүүн улсын нутаг дэвсгэрт халдахгүй боловч зөвхөн F-16 сөнөөгч онгоцнууд байрласан агаарын баазуудад нь довтлох тухай тэр ярьжээ.
“Бидэнд эдгээр улсуудад халдан довтлох ямар ч түрэмгий санаа байхгүй. Польш, Балтийн улсууд, цаашлаад Чех руу довтлохоор төлөвлөж байна гэж ярих нь туйлын утгагүй хэрэг. Энэ бол ард иргэдээ дэмий хоосон яриагаар хууран мэхэлж, Украины тусламжийг нэмэгдүүлэх зорилготой зүйл” гэж Путин энэ үеэр ярьсныг Кремлийн хэвлэлийн алба мэдээлсэн байна.
Украинд байлдаж буй Оросын зэвсэгт хүчний эсрэг ашиглагдах F-16 сөнөөгч онгоцнуудыг байрлуулсан НАТО-гийн агаарын баазуудад довтлох боломжтой эсэхийг сэтгүүлч асуухад Путин ийм баазуудыг “хууль ёсны бай” гэж үзэхээ мэдэгджээ.
Ингэхдээ тэр Өрнөдийн танкууд, хуягт тэрэгнүүд болон бусад байлдааны зэвсэг техникүүдийг өнөөдөр хэрхэн устгаж байгаа шигээ “F-16 сөнөөгч онгоцнуудыг бас устгана” хэмээн сүрдүүлжээ.
Одоогоор Украины тал Өрнөдийн холбоотнуудын өгөхөөр амласан F-16 сөнөөгч онгоцнуудыг хүлээж байна.
Хамгийн багадаа 42 ширхэг ийм загварын онгоц Украинд ирэхээр болж, Украины нисгэгчид өнөөдөр Өрнөдийн орнуудад онгоцыг эзэмших сургалтад хамрагдаж байгаа. Сургалт дууссаны дараа онгоцнуудыг Украины агаарын баазуудад илгээх юм.
Гэхдээ F-16 онгоцны өндөр шаардлагыг Украины хэдэн бааз хангаж чадах нь тодорхойгүй байна.
Нөгөө талаар Путиний өчигдөр ярьсан зүйлд итгэхэд хэцүү юм. 2022 оны хоёрдугаар сард эхэлсэн дайнаас өмнө Оросын арми Украины нутаг дэвсгэрт халдах гэж байгааг Өрнөдийнхөн анхааруулахад Путин болон Кремлийн бусад өндөр албан тушаалтнууд үүнийг эрс няцааж байсан юм.
Эх сурвалж: Reuters
| Путин: Орос улс НАТО-гийн гишүүн орнуудад халдахгүй, гэхдээ F-16 онгоцтой баазууд руу нь довтолно |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38