Өрсөлдөөнийг боомилж, хэрэглэгчдэд асар их зардал үүрүүлэх замаар “ухаалаг гар утасны зах зээлд монополи байр суурь эзэлж байна” гэсэн үндэслэлээр АНУ-ын хууль зүйн яам Apple компанийг шүүхэд өгч байгаагаа өчигдөр зарлажээ.
АНУ-ын хэд хэдэн муж хямд үнэтэй ухаалаг гар утас хэрэглэхэд нь хүмүүст саад учруулж, олон зуун тэрбумын ашиг олж байна хэмээн Apple компанийн эсрэг зарга үүсгээд байсан юм.
Apple компанитай холбоотой ийм маргаан 1976 онд Стив Жобсыг үүсгэн байгуулсан цагаас хойш яригдаж байсан ч бараг хагас зууны дараа л АНУ-ын эрх баригчид анх удаа шүүхэд хандаж байгаа нь энэ юм.
Одоогоор Amazon, Google, Meta компаниуд мөн шударга бус өрсөлдөөний асуудлаар АНУ-ын шүүхэд дуудагдаад байгаа.
Хэргийн гол нь тус компани АНУ-ын 136 сая iPhone хэрэглэгчийг өөрийн экосистемээс гарах гарцгүй болгож, өндөр үнэтэй бүтээгдэхүүнийг нь худалдаж авахаас өөр сонголтгүй болгодог гэсэн асуудал юм байна.
“Компаниуд монополийн эсрэг хуулийг зөрчиж байгаагийн төлөө хэрэглэгчид өндөр үнэ төлөх ёсгүй. Хэрвээ үүнийг өөрчлөхгүй бол Apple компани ухаалаг гар утасны зах зээлд үргэлжлүүлэн ноёлсоор байх болно” гэж АНУ-ын ерөнхий прокурор Мэррик Гарланд мэдэгджээ.

АНУ-ын ерөнхий прокурор Мэррик Гарланд
Өчигдөр Apple компани өөрийнхөө эсрэг гаргасан нэхэмжлэлийн үндэслэлийг үгүйсгэж, гэм буруугүйгээ батлахын тулд тууштай тэмцэхээ мэдэгдсэн байна.
Хэрвээ уг хэрэгт ялагдвал “хүмүүст зориулсан технологи бүтээх ажилд засгийн газар гүнзгий оролцдог болох муу жишиг тогтох” аюултайг бас анхааруулсан юм.
АНУ-ын хууль зүйн яам нэхэмжлэлдээ Apple компанийн ашиг Fortune 500 жагсаалтын аль ч компанийн ашгаас хол давж, дэлхийн 100 гаруй улс орны дотоодын нийт бүтээгдэхүүний хэмжээнээс илүү гарсныг дурджээ.
2023 онд Apple компани дэлхийн нийт зах зээлээс $383 тэрбумын орлого, $97 тэрбумын цэвэр ашиг олсон юм.
АНУ-ын хууль зүйн яам 2019 оноос буюу Трампын засаг захиргааны үеэс Apple компанийг шалгаж эхэлжээ.
Саяхан бас Европын хэрэглэгчдэд “өөр хямд сонголт өгөхгүй байна” гэсэн үндэслэлээр хөгжмийн стриминг үйлчилгээний Spotify компанийн гаргасан гомдлын дагуу Apple компанийг Европын Холбооны эрх баригчид 1.8 тэрбум еврогоор торгосон юм.
Эх сурвалж: AFP
| АНУ-ын хууль зүйн яам Apple компанийн эсрэг монополийн хэрэг үүсгэлээ |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38