ЦЮРИХ, 2024 оны гуравдугаар сарын 20 /unn/. Дэлхийн 134 улс орон, бүс нутаг, нутаг дэвсгэрийн 7812 хотын 70 гаруй хувийнх нь агаар дахь PM2.5 нарийн ширхэгт тоосонцрын агууламж Дэлхийн эрүүл мэндийн байгууллагын (ДЭМБ) стандартыг хангахгүй байгааг агаарын чанарыг хэмжих технологийн чиглэлээр мэргэшсэн Швейцарын IQAir компанийн хамгийн сүүлд явуулсан судалгаа харуулжээ. Судалгаагаар өнгөрсөн онд дэлхийн ердөө 10 улс, харин хотуудын дөнгөж 9 хувь нь л нарийн ширхэгт PM2.5 тоосонцрын агууламжаар ДЭМБ-аас зөвшөөрсөн стандартыг хангасан байна.
Хамгийн их агаарын бохирдолтой таван орны тоонд Бангладеш, Пакистан, Энэтхэг, Тажикистан, Буркина-Фасо улс орсон бол Францын Полинез, Маврики, Исландад хамгийн бага агаарын бохирдол бүртгэгдсэн байна.
Хамгийн их бохирдолтой нийслэлүүдийн жагсаалтыг Шинэ Дели (Энэтхэг), Дакка (Бангладеш), Уагадугу (Буркина Фасо), Душанбе (Тажикистан), Багдад (Ирак) хотууд тэргүүлсэн бол Веллингтон (Шинэ Зеланд), Рейкьявик (Исланд), Хамилтон (Бермуд) хотуудын агаар дахь PM2.5-ийн агууламж хамгийн бага байжээ.
Бангладешийн тоосгоны үйлдвэрүүдээс авхуулаад Латин Америкийн уул уурхайн салбар агаарын бохирдлын эх үүсвэр болж байгаа хэдий ч гол эх үүсвэр нь нүүрс, газрын тос, байгалийн хий зэрэг олборлодог түлш болсон хэвээр байна.
PM2.5 бол амьсгалын замаар хүний биед нэвтэрч хорт хавдар, гуурсан хоолойн багтраа, зүрх судасны өвчнийг үүсгэдэг нарийн ширхэгт тоосонцор юм. ДЭМБ-ын мэдээллээр, гадаад орчны агаарын бохирдол, тэр дундаа PM2.5 тоосонцрын бохирдлоос үүдэлтэй өвчний улмаас дэлхий даяар жил бүр 4 сая гаруй хүн нас барж байна.
Эх сурвалж: "Монцамэ" агентлаг
| Дэлхийн хотууд ДЭМБ-ын агаарын чанарын стандартыг хангахгүй байна |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38