Өнгөрсөн онд нэг ам бүлтэй өрхүүдийн нийт өрхийн тоонд эзлэх хэмжээ 42 хувь болж, түүхэн дээд хэмжээндээ хүрснийг Өмнөд Солонгосын дотоод хэргийн яам өчигдөр мэдээлжээ.
Арванхоёрдугаар сарын байдлаар нийт 23.91 сая өрх тус улсад тоологдсон нь жилийн өмнөх 23.7 саяас 0.9 хувиар өссөн үзүүлэлт болсон байна.
Үүнээс 9.93 сая нь нэг ам бүлтэй өрхүүд байжээ. Нэг жилийн өмнө энэ тоо 9.72 сая байсан юм.
Солонгосын статистикийн төв байгууллага өмнө нь нэг ам бүлтэй өрхүүдийн нийт өрхийн тоонд эзлэх хэмжээг 34 хувь гэж тооцоолсон бол дотоод хэргийн яам 42 хувь болгон огцом нэмэгдүүлжээ.
Энэ нь тооллогын аргачлалыг илүү нарийвчилсантай холбоотой гэнэ.
Тухайлбал статистикийн байгууллага тус тусдаа амьдардаг нэг гэр бүлийн гурван гишүүнийг нэг өрх гэж тоолсон бол дотоод хэргийн яам гишүүн бүрийг оршин суух хаяг дээр нь үндэслэн тоолжээ.
Энэ аргаар тоолоход өнгөрсөн онд Өмнөд Солонгосын хоёр ам бүлтэй өрхүүдийн тоо 5.86 сая болж, жилийн өмнөх 5.74 саяас бага зэрэг өссөн байна.
Ижил хугацаанд гурван ам бүлтэй өрхүүдийн тоо 4.01 саяас 4.02 сая болжээ.
Харин дөрөв болон таван ам бүлтэй өрхүүдийн тоо 3.14 саяас 743 мянгаар, 3.25 саяас 776 мянгаар нэг жилийн дотор тус тус буурсан байна.
Тус улсын хэмжээнд нэгж өрхийн ам бүлийн дундаж тоо энэ хугацаанд 2.17-оос 2.15 болж ялимгүй буурчээ.
Өмнөд Солонгосын нийт айл өрхүүдийн 44 хувь нь нийслэл Сөүл хот болон түүнийг хүрээлсэн Гёнги мужид харьяалагдаж байна.
Эх сурвалж: Yonhap News
| Өнгөрсөн онд Өмнөд Солонгосын нэг ам бүлтэй өрхүүдийн нийт өрхийн тоонд эзлэх хувь 42 болж нэмэгджээ |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38